شوف حالي يل مشيت الديرة الغربه ونسيت
وانته عنگود المحبه النضج ثمره وما حويت
اخ يل منك عذابي ولوعتي البيها رضيت
لو اعرف اشچان ذنبي چان ابد ما عاتبيت
هوه كلمن يحب مثلي اليحب مثلي مالگيت
وتدري نظرات الملامه سهام تكتل من جفيت
وشفت مصباحك تغير صار هندس وانه من يمي طفيت
وهذا حالي شلونه حالي حال المسودن صفيت
دوريتك بين نجمه وضي كمرها ومن لگيتك ماحچيت
وفاظن ادموعي عالخدي وگبل لا تبچي بچيت
امسح ادموعك ودمعي غير شخصك مالگيت
وهاك اخذ عمري عالطولك گدريته وطلع فيت
اتبختر بكاعي عالكيفك غير كاعي اشحصليت
عوفه الغربه التذلك بيها ترجف مادفيت
تدفه بس ابحضني خايب انه احضنك لوهويت
،،،،،،،،،،،،،،،،،،،،،،
سلام المرياني
26/ 11/ 2024
