شارب زلال الماي
عذب ومن العذب قندولك تفسر
موسيقى وشعر والحنك فنان
على عرش الجمال تربعت يسمر
لاعب وي اريج العطر داس بداس
كبر رمان صدر الزيج ماينز
ضم صيفك دفو
لبرودت القداح
وتمايل غنج وي روضنه الاخضر
تشع مثل الشمس وتباوس القداح
ياقالب قند وانت بهدم اصفر
طحت بين الفجر
والشمس خيط نعاس
وسن بعيون شهله ورازقي مطشر
شسمهن ذني
ذني الحاطات اهناك
ما اعرف شسمهن كلبي اتحير
اهن رمان لوعنگود
لوتينات !! بكل شوك ونداره نلگط وتسطر
رايج وي حلاتك
والحلو من شفاك
خر خرت دبس من ماع وطشر
توفيق حيدر المالكي
