،،،،،،
اني خلصت العمر روحي ويروحك وانه كتبيتك قصيدة بلا قصد
،،،،،،
انت وين ؟ رمشي شابگ رمشك ودور عليك ! وحاضنك بالروح ومن تفتح العين ترجع تبتعد
،،،،،،
ياگمر عاشگ نجمته ياضعن شت عن هله ومامش نشد
،،،،،،
انه اعرفك طبع (عين ) تشوف بيها بس ابد متشوفها
وهل ماترد
،،،،،،،
ثوب متأكد لبستك، بالمراية ألگاك فوگي، ألتفت علروح
عريان ويغطيني البرد
،،،،،،،
انه اشوف وشوفي شاهين بخيالي ، ومن ارد لواقعي
عيوني رمد
،،،،،،،،
گلبي صاحي ودرعه صبره ، وين صبره ؟ خل يجي لجرحه يشد
،،،،،،،
ليش بردان وحبيبي تگول جمرة ؟؟ وليش ماندفه واحنه بنص برد؟
،،،،،،،
آه ياهضمة چفوفي الگصرن بداعي البعد
،،،،،،،
يافشلتي ايگلي افزعلي دخيلك وآنه مابيدي اهد
،،،،،،،
وين اهد ؟ وين اروح ؟ شلون اوصل؟ والفرق امريكا عن ارض الهند
،،،،،،،،
لشوكت ابقى سجين وشوكت علحايط اشخط يوم يوم وساعه ساعه ومن بعد ضاع الجرد
Tawfeeq Haider almaliki
