معلم بمدرسة الإصلاح الزراعي بنجع حمادى
محافظة قنا جمهورية مصر العربية
لسه ما فهمتنيش
فاكرانى هحب غيرك
غلطانه ما فهمانيش
أنا ليكى انتى وحدك
من غيرك ما اقدرش اعيش
أنا ممكن أجامل بكلمه
لكن غيرك ما ليش
راجعى اللى فات معايا
واسألى ما تتردديش
هتلاقى كلامى ليكى
كلام جد مش تهويش
لكن انتى عليكى العتب
ليه ما بتصارحنيش
خلينى احس انك
عنى ما تستغنيش
بوحى باللى جواكى
صارحينى ما تكتميش
لو قلت لحد غيرك
كلمه حلوه ما تزعليش
لكن انت. جوا قلبى
رغم انك ما بتقوليش
عودى ارجعى لي
من غيرك ما اعرفش اعيش
أنا عايزك تصارحينى
كد ايه تانى هنعيش
الباقى من عمرى ليكى
علي ما تبخليش
الصمت للحب قاتل
والكلام يخليه يعيش
اللهم ارزقنا محبة من نحب وصدق من يصادق
أمين أمين أمين أمين أمين يارب العالمين
