أدينا ماشيين
تايهين ومش عارفين
اخرة طريقنا منين
ومشوارنا ح يكون فين
تعبنا إحنا وليه
عل الماضي نبكي عليه
والعمر آخره ايه
غير انك تموت وحديك
ولا داري فين أراضيك
ولا داري حتي تعيش
ده بكره انت مفيش
ح تكون في يوم ذكراك
والناس ح تنسي لقاك
ح تقول عليك مرحوم
ف يوم يكون معلوم
عند الإله محسوم
عل حالك تبكي ليه
ولا مره تغير ليه
وحالك ح تقسي عليه
ف يوم تكون أخراك
اعمالك ح تجري وراك
حسناتك تبقي رجاء
واجمل ضياء ودعاء
خليك تموت مستور
اوعي تعيش مغرور
راح تموت مقهور
اوعي يكون لك يوم
فيه الألم واللوم
ح تعيش ف حزنك فين
وتحزن ليه ومنين
مادام آخرها الموت
اقضيها ب خير ح تفوت
والناس عليك راضيين
كانوا وصلوا أو تايهين
د فرح الدنيا حزين
وذلها ضيم وانين
وراحتها حتي عذاب
ولا ليها اي عتاب
محمود البحيري
