اتعدّي ايام.........اتمّر إشهور
ودهـري..................... ايدور
حسره ابصدري
لا مرتاح............. ولا مسرور
حبي وتعبي..ضاع ابغفله
لامن بسمه ولا من فرحه
ولا من عيد......الكل محظور
ربعي اتصبّر واتواسيني
بطـّل نوحك...........ما معذور
وحظي العاثر ونّ وينحب
حنّ لگلبي..........الظل مهجور
ودنيا الجارت... تلعب بيّه
مرّه اتجرني....
واخرى اتفرني..........فرّ ناعور
سلبت عگلي....
اهذي واركض........نِص طابور
منهو الإوجر عذّب حالي
يا فقره...................ابيا دستور
والدستور الما بي حب
ما يراد..................ايظل مبتور
العاذل خطـّه.......ابحقد وجـور
وآنه اتألم سلبو حلمي
أصبـح گلبـي.....
حطب وجاهز................ للتنور
همت ابعلتـّي... آنه اتألم
اهتف حيل..ابصوتي العالي
عاگول ابِعّز...........عندي إزهور
ولّ يالعاذل..ابعد عني
ما يوم اتحب............گمره ونور
ولفي المِجفي...جنبك اصبح
شامت مِكره............. وي مغرور
ودمي اليسري..چذب اليبرد
مثل النار............... ودومه ايفور
سيد محسن الموسوي
