ب تشمت فيا وأنا روحك
وتنسي اني دوا جروحك
و تسألني جرالك آيه
و آيه بدل كده شعورك
و أقولك آيه و أحكيلك
وأنا شايل كده همك
و عمري ما ظلمتك يوم
ولا عمري في يوم خنتك
و لا لي يد في وجعك
و ها أشمت ليه انا ف قلبك
و لسه قلبي أنا عندك
ونفسي أعرف سبب عندك
جرالك آيه بقي قولي
و آيه غير بقي طبعك
نسيت أحلامي ليه ف هواك
نسيت أيامي كده وياك
نسيت سهري علي الشباك
وأنا واقفه و بأستناك
يوم ما تروح كده وترجعك
و يسبق قلبي حضن هواك
نسيت لمسة أيديا هناك
و ضمة روحي و أنا بألقاك
ب تشمت فيا و أنا منك
و عمري ما نسيتك يوم
و لا مره نسيت أني
ليا ألف ذكري معاك
و ياما نمت علي صدرك
بكيت وياك وليك وحدك
و كان سري أنا سرك
يا أجمل شيء حصلي هناك
وأجمل شئ حصلي معاك
ومين يشمت كده في روحه
ومين يشمت بقي في قلبه
و انا أنفاسي من روحك
و ب تسبح كده بأسمك
ترددها تغنيها
أغاني الحب معانيها
وها أشمت ليه
وانا عايشه علي حسك
وكل شعوري ليك وحدك
و أنام و أصحي علي حبك
وها أشمت ليه
ومين يشمت بقي في روحه
و مين يتشفي في نفسه
تصدق مهما احلف لك
بانك أغلي ما عندي
و أغلي عندي من روحي
وأن منتهي أملي تعيش
في الدنيا متهني
ولو كان فرحك مع غيري
أنا راضيه
ما دام قلبك يكون راضي
وها أدعي لك تعيش مبسوط
وها اجلد قلبي انا بالسوط
و اكتم جرحي أنا في سكوت
و لو وصلتني للموت
ما دام ها تكون سعيد مبسوط
ف كله يهون
كلمات الاديب الشاعر السيد علي القن
