مَبَقِتْشْ بَرْتَاح
لِوِجُودِك كِده زَيْ زَمَانْ
مَبَقِتشْ عَاشِقْ
وَلاَمُغرَم اَنا مُش وَلْهَانْ
علىَٰ كُل يُوم
عَدْىَٰ مَعَاكي طَبعاً نَدْمَان
نَدْمَان عشان كُنت
مِفَكر اِن غِيابِك هُوَاِلحِرمان
وِاِنْ اِنْتِي ثَرْوَهْ
مِن اِلُلؤلؤ وَلاَ المُرجان
اَوغُصن لَيْلَك علیَٰ
يَاسْمِين مَعْجُون بِجُمَانْ
أنا كُنت مُش
عَارِف نَفْسِي شَاردسَرْحَان
مَاكَانِتْشْ حَاجه
بِتِسْعِدني اِلاَ اِلأَحْزَان
وِكَإِن عِشئِك
وِغَرَامِك نُوع مِ الإِدْمَان
وِالدُنيا مِن غِيرِكْ
خَاليَه مَافِيهَاش سُكان
و كَأَنِك حِته
مِن قَلبي أَو ِم الشُريَان
طِلع دَاَ كُله
هَلْوَسَهْ وِكَمَان هَزَيَانْ
اِلدُنيا لَمْا مَطَرِت
طِفَتْ نَاري وخِمدالبُركان
وبَإِيِتِي ذِكرى عَلىَٰ
اِلْحِيطَه في بِرْوَاز نِسَيان
أَو لَحنْ مَعْزُوف
بِبْيَانُو مَسْنُود بِكَمَانْ
كِرِهتْ صُوتِك
في المَغْنَى كِرهتْ اِلأَلحَان
أنا كُنت إزَاي بَشْتَاق
لِيكي وَاَمُوت مِ التِحْنَانْ
وَاَشُوف خَيَالِك
فِي القَهوه جُوه الفِنجان
دَنا كُنت بَتْسَوِل
حُبِك وَ اَطْلُبْ اِحْسَان
وَاْعْمِل حِيَلْ
عَلَشَان تِرضي وَاَعْمِل عَيَاَنْ
وَاكْتِب
قَصَايدمَلْيَانَه حُب وِاَشْجَان
اَتَارِيني مَخْدُوع
وِخِدَاعِي كَانْ بِالمَجَانْ
هِربْتِي بَعد
مَا رَمِتِينِي فِي بْحُور اَحْزَانْ
إزاي أنا
كُنت بَحِبِك هَيجِيني جَنَانَ
أنا زَيْ
مَسْجُون وَاللهِ عِشِقْ السَجَانْ
اَوْ زَيْ تِمْثَال
مِتْحَجْر حَطْوُه فِي مِيدَان
بقلمي:م/هشام غازي
