يون گلبي ونين الناي
عليك وناره لهابه
يحن گلبي حنين النوگ
دوم ومانسه احبابه
دمع من دم تهل عيناي
عليك ودوم سچابه
مثل نوحي حمام الدوح
ينوح ايريد غيابه
اون ليلي ونهار اعليك
مسودن شگگ اثيابه
شماته اهواي من جافيت
عليه وجنهم اذيابه
لكل منهم غفل غدار
بلحم الحي نبت نابه
تعال وشوف حالي شلون
طفل تايه بنص غابه
حبيبي صار حفنه اسنين
٢
گاطع ليش ويانه
الينشدني شگله شلون
غاب ودوم ماجانه
انا الياحيف من فرگاك
شماته صارو اخوانه
ابداً قيّس مو مجنون
والمجنون هو آنه
حبيبي وين هل الغيبات
الفرح وياك غاب وساد بيبانه
ماتدري بحبيبك صار
بسمه الحزن عنوانه
گبل افرح چنت يهواي
عليك الروح ولهانه
ابد مامش فرح بجفاك
حبيبي ليش تنسانه
٣
ماتدري عليك الروح
هامت وامست بحيره
تدور اعليك ليل انهار
من ديره ال ديره
گالولي تعوفه الراح
گلت ماحب ابد غيره
دليلي اللي حواك اسنين
لزوم تبالغ ابتقديره
ماتعطف على اليهواك
مابيك ابد غيره
عجب شنهي القساوه البيك
وآنه اصفى من الليره
صوچي وماعرفت اشلون
مثل الضايع ابتدبيره
حتماً بالنّتيجه ايصير
حنطته تاكل اشعيره
مالك السرحان
