( اجوني ابشورهم )
اجوني ابشورهم والشور خالفته
مابيهم الخير زينه سالفته
مابوجوهم عرگة وحيى ونگاد
وبعقلي الحچي والشور ميزته
گالو للزلم ياهو الي يبدي وياه
والخلوه يسولف خوفه كاتلته
ايزاغل بالحچي هل مارهمت اوياه
ولحچي العدل والزين علمتة
من شربو الگهوه وهزو الفنجان
هزت خايف وخطاري نيشنته
وتحليت ابصبر فاق عالصبر ايوب
وروحي من الزغر والصبر لاهمته
صفنو بالوجوه بدون عرفه وراي
وخذو رايي السديد ولاذو ابخته
ومن صار الوداع ومشو حد الباب
مشو راضين كلهم بس مشو سكته
وضلت للفراضه حچايتي ميزان
مثل ينگال للي تضيع سالفته
،،،،،،،،،،،،،،،،،،
سلام المرياني
