_____
ما درت زينة
ربي نلقاك بها
انا لما احسنت
هناواش اندير
دنيا فيها اتودرت
فيهاشحال ابكيت
واليوم عاد أنحير
لوعود ياك اتكسرت
ولوعدني شيطان اكبير
ضحكني علعقاب
وشحال ضرني
للحسنات راني افقير
قولوا لله يعذرني
ناسنا مافيهم خير
لطريق حد ما جرني
من غير الله القدير
ربي برضاه بشرني
وكبرت ما عدت أصغير
سيدي فدنيا صبرني
سبحانه عالم وخبير
وهنا بحبيبو جاورني
والملايكة كيف أطير
وجناحتها مهزوزة
والقوم متلا لها تدبير
فين الاعيان والممثلين
فين لغدروا ذيك الثورة
فين الجمعويين
فين لخيبوا ظننا
دارونا محقورين
فين لطولوا همنا
وتعاونوا معا لستعماريين
كاملة راهم محشورين
منظر لهم رب العالمين
فين البياعة كانوا لولين
واليوم راهم مقسومين
مرحبا بشكامة على لجناب امشنفين
كانوا إوصلو للدولة
ومعاهاخدامين
ومغزيين فينا
كقبيل اموالفين
شفناهم ابعينينا
ياك هما متشابهين
ونافرحتي صارت
فرحتين
والمكلب من رحمتو مطرودين
ودوي ياداير الشينة
يا بو ودنين
جيب اجماعتك تفديك
ذوك العنصريين
وين صحاب ارزز
متلا لهم عز
صاروا مضرين
وين أصحاب الحاية
طهروا الدنيا
من الشر والبلايا
مالهم مكسورين
صاروا هنا اسبايا
غايسين في الطين
ونا خياتي أجبرت أدواية علاني رب العالمين
يا ربي لا ترحم الشكامة
باهرة ما داروه
ذاك باش اموالفين
نختم احروفي بتسليم
ليه هو رب العالمين
والأمين انصلي اعليه
نشرب من حوضو ونشوفو بلعين
بالصلاة اعليه متواصيين
ربي اخلص اعليا كل
دين
ادراهم ولا قلة دين
كنت امقصر ومتبع
الجرايين
ربي ردني لصوابي
لا تجعلني أحزين
ليك الكريم أنابي
كن لي معين
_بقلمي:محمد وهابي
في:٠١ فبراير ٢٠٢٥
(صباحا)
