♡♡♡♡♡♡♡♡♡♡♡♡♡♡
خلف كل باب ........ حكاية
جوا كل بيت ........... وجع
لو هتتحول ............ رواية
قلب الجمهور ........ يتخلع
فــ اللي صابر ... ع الوجيعة
واللي شال حلمه فــ وديعة
واما جت كارثة .. وفجيعة
جوا بير ......... همه اتبلع
واللي سكناه ......... الهموم
يداري ضعفه ....... بالهدوم
ويمر يوم ...... من بعد يوم
يلاقي روحه ....... بيتخدع
صابر على غدر .... الصحاب
بيهيل على وجعه ... التراب
من كُتر همه ....... والعذاب
لو جتله رنة ......... بيتفزع
اللي قَضْى العمر ..... منسي
والحياة .......... وياه بتهذي
روح شريدة ،،،، مش بترسي
من جدورها .......... بتتقلع
ولاحد معاه .... يجبر خاطر
طحناه الدنيا ....... وبتماطل
منهوب الحق ...... وبالباطل
ولا حد داري ......... أو سِمع
غدر البشر بقى شيىء أصيل
من يوم قابيل ماقتل هابيل
والراحة صبحت ... مستحيل
واللي في حاله ... كتير وقع
ورا كل باب ، فيه ناس كتير
بيعانوا ..... من نفس المصير
الحلم دفنوه ......... جوا بير
وكفنه كان ........ مليان رُقع
وكفنه كان ........ مليان رُقع
✍️ Zenab Seleem
