☆☆☆☆☆☆☆
راح احكي عنك اليوم بالعامية
تبقى عزيز بلد الاحلام
راح نرجع نعيش فيك بامان
العاصمة محافظتي
دمشق يعني الشام
لك.ِ من قلبي السلام
بكتب من الروح
مو مجرد كلام
اشتقت للهوى والمي والبيت
الكبير يلي جنب البستان
وللجوري والياسمين والريحان
وشجرة النارنج والرمان
والبحرة الكبيرة الي كنا
حوليها نلعب من زمان
ولاخواتي والرفقة الحلوة والجيران
لكل ما فيكي من دفئ وحنان
للشقاوة مع البنات والصبيان
ما نسيت حاراتك القديمة
الجامع الأموي الي
بآخر سوق الحمدية
والقيمرية وباب توما
والصالحية كمان
والشعلان بالمحلات
الضخمة والميدان
والربوة وعين الخضرة
والزبداني وبلودان
وقاسيون ما أحلاه صوت
ام كلثوم بكل مكان
وكنا نروح على الغوطة الشرقية
فيها احلى سيران
مدرستي راح يخلوها
راح يعمروها من جديد
اكيد هل الكلام
ويرجعوا بيوتها دافية
متل ايام زمان
لانهم بيعرفوا فيها
ذكريات حلوة ومرة
وعفوية البيوت
ورى الحيطان
الحب والصدق والألفة
بين الخلان
قالو كتير عنك كلام
راح ترجع متل ايام زمان
وراح تبقى احلى يا شام
بقلمي بسمة~~
