الحمد لله العسر ياصاحبي اتعده
ربك ابد ميخلي الحمل مطروح
باب الرحمه بابه ويلطف ابعبده
المهم خلصت طويت الصار والماصار
اخذت العبره منهه وبينت الزبده
اعرفت ناسي وفرزت الزين من الشين
وأعرفت الشريف اليندخل عنده
تجارب هالحياة اتبين المضموم
ياهو الزود بي ويحلحل العگده
وياهو اليثبت ومايطخ هامه بيوم
وياهو اللي يسلم للسطر خده
متأخر عرفتك مو كفو وأنخاك
وكت طيحت عضيدك بابك اتسده
صفر عاليسره كل عمرك فلا موجود
وبوكت العسر لاهده لاسده
حچايه ابگلبي ضلت كون اطرهه اوياك
من عدهه انتفارگ كلمن بحده
تره اللبندهه يختل مايهزه الصوت
صعبه ويه الزلم ياصاحبي انعده
ابو مصطفى الغزالي
