...........
أزاي نعيش
وبين الضلوع
ساكن الألم
وأزاي تنام العين
وساكنها الدمع
وتهرب منا الضحكة
وتحاصرنا الأحزان
ونبكي لما نشوف
نشرة الأخبار
واطفال فى البرد
بلا سكن ولا طعام
تشتكى للخالق العدنان
وعيون وقلوب حجر
بطونهم اشتكت
من تخمة الطعام
وفي غير شجب
وقلنا وقال
وشيوخ ونساء
عايشة فى العراء
غطاها الثلوج
وفرشتهم احجار
لمين نشكى
غير للقادر الجبار
بعد صمت الجميع
كأنهم فى القبور أموات
يا سامع ندايا
راحوا فى الأبطال
وفين بقى الأنسان
ربي بقدرتك
انصر عبادك
بعد الخزى والعار
انا الداعى ومنك
يارب أجابة الدعاء
بقلمي ......
محمود خلاف
جمهورية مصر العربية
