شايف نفسك فوق الناس
فوق من وهمك و الوسواس
و أغسل قلبك و الاحساس
و أبني جسور كلها اخلاص
خلي ما بيني و بينك نور
خلي الضلمه بسرعه تذول
و أفتح قلبك قوي للناس
و أسعي تعيش دايما ف سلام
و أغسل قلبك م الاحقاد
و بلاش تمشى ف أي عناد
و إرسم ضحكه بكل وداد
تجني الخير في أي ميعاد
قاوم روح الشر و هدي
و أبني جسور الود و عدي
أصل الدنيا ما تسوي عندي
و لا تستاهل أي عناد
سيبك منها و خليك راضي
و أوعي ف يوم تعمل قاضي
أو جلاد كده ع الفاضي
ربك هو الحكم العدل
سلم أمرك كده لله
و أرمي حمولك علي مولاك
مهما تعيش فانت مفارق
ف أترك ذكري ليوم تلقاه
بص ب طرف عنيك حواليك
تلقي العاجز يحسد فيك
و أنت في نعمه كبيره عليك
و ياما كتير يتمني ما ليك
أحمد ربك علي ما بالاك
و أشكر فضله علي ما حباك
تلقي ستره تمللي معاك
و أوعي يزول تصبح ف هلاك
سايق فيها كده علي آيه
و ب تتكبر ع الناس ليه
و الله الدنيا ما تسوي جنيه
و لا لحظة من رضا مولاك
كلمات الاديب الشاعر.د/السيد علي القن
