هذه الزجلية لا تعني شخصا بعينه ، إنما هي تداعيات حنين ، ارجو أن تروقكم.
-------------------- يَا لْجَافِي.
☆ ☆
مَنْ حَرْ جْفاكْ
سَالَتْ دْمُوعِي
حَارْقَة لَشْفَارْ
وَ لْقَلْبْ مَلْهُوفْ
كَاوْيَاهْ نَّارْ
باللهْ عْليكْ
حَالِي مَا بْقَاتْ لِيهْ سْرارْ
قْراهْ كُلْ لْسانْ
حْضَاتُو جميع لَبْصارْ
مْتَلَّفْ لَرْصانْ
حَايَرْ بَغْرايَبْ لَفْكَارْ
رْجَايَا فِيكْ
الله يَهْدِيكْ
مَا غِيرَكْ يْعَمَّرْ لْبَالْ
وْ يَطْفِي لَحْرارْ
وِ شَدْ لَعْقَالْ
طِيفَكْ وَحْدُو يْمَلّي نَّفْسْ
يْخَفَّفْ لَتْقَالْ
يْحَيَّدْ لَغْيَارْ
لا تَنْسانِي
رَانا بيكْ كَافِي
بالله عْليكْ لَا تْحَافِي
رَانَا بِيكْ عَانِي
رْفَقْ بْضَعْفِي
يَا مْسَهَّرْني
لا تْجَافِي
كْفَى تْلُومْنِي
خَلِّيكْ عَافِي
حَنْ أُكُونْ فْوْفَاكْ وَافِي...
