اكاديمية ‏العرب ‏الالكترونية ‏للشعر ‏والادب

نفسي أبكي.. 

           ويكون بكايا بكبرياء..

   يا بحر الإنسانية 

          فين بس الاقي الوفاء

  ليه أبقى الضحية

             ويضيع عمري هباء

 مكتوب عليا الآسية 

        قصة وحكاية منسية

     كتبها القلم من الألف للياء

 وجع.. ودموع.. 

          وحزن طفى الشموع.. 

وطريق من رجوع.. 

  نفسي أبكي... 

               وبصوت مسموع 

يصرخ قلبي الموجوع..

                     أسمع صداه 

  كان بيحلم.. 

                   كان مناه.. 

 يسبق خطاوي الزمن.. 

             أرضه وسماه.. 

 كان بيحلم بالأمان..

     ولا كان حلمه مال ولا جاه.. 

          كان بيحلم بالحنين

 كان حلمه.. حلم السنين.. 

                  ضاع الحلم.. 

 وخلصت السنين

   بانت معانيها ملامحي 

 وقلب نفسه يحكي 

نفسي أبكي....

           نفسي أبكي.... 

         بقلم / يحيى المنياوي