الما شار العقل باچر يضل خسران
باچر بالقيامه مدوهن وحزنان
ربك من يحاسب بيك
على انك بشر وانسان
وانت على ألارض عايش
براس حصان
شراح تگول شجاوب
تگله مو بشر حيوان
وهوه انطاك نعمه
وكرمك عل جان
نطاك العقل جوهر
واجب الشكران
خلصت العمر دايخ
وبظلم الجهل سكران
مانورت فكرك يوم
مصيوب بمرض الاذهان
وسوسلك ابو مره
وصرت من زمرة الشيطان
تركض عل حرام بلا فكر وشعور
تلهث وره الدنيا بلا سبب فحطان
مثل نار القيامه تنترس وتصيح
الاهل من مزيداً تاكل وجوعان
للشر دوم واگف تنفخ اعله ارماد
وتهيج فتنها وتشعل النيران
كل اثنين ثالثهم وتردس حيل
وللماترضي الله مصرفن الذرعان
حسبالك نجم لاح النظر متعوب
بعينك ماتشوف اله الحقد وضغان
تصالح وي روحك وأعترف غلطان
صير انسان ربك خالقك انسان
بِـــقَـــلَـــمٍ ️ Tawfeeq Haider AlMaliki🇮🇶
