( الوداع )
أودعكم اورايح سفر للعمره
وبروني الذمه وروحي متعذره
من صرت اودرت مازعلت انسان
ولاخليت بگلوب البشر حسره
هيه الدنيه تسوه صم تتن فلسين
طلگها علي من شافها غبره
الحبني واليضدني أتوادع انه وياه
ودعيله دعاء الخير بالحضره
انا طبعي الوفه واتحمل اشما صار
الصديج اعگال البسة واخو معتبره
هنه اليوجعنك يوجعني اوياك
واذا مات العزيز اثنينه انخسره
لانطري العتاب ايشگگ النه اثياب
ومن هل دنيا ناخذ موقف وعبره
وداعا ياعمُر محتار بيك اسنين
الوجن بيك نار وبالچبد جمره
العذر لله يخوتي والصبر مريود
وفاز الي صبر وتجمل ابصبره
خلينه انتصافه وننعل الشيطان
تره الشيطان يتكنه بأبو مره
،،،،،،،،،،،،،،،،،،،،،،،،
سلام المرياني
خاف زعلت واحد خلي يبريني الذمه
