.................
زوار العقل
...........
قالوا كيف بتلتقي مع الأشعار
بالليل بتكون أم بوضح النهار
وكيف بيهجم الشعر لعندك
وكيف بتتكون بعقلك الأفكار
وين بتكون بسهلك أو بجردك
وبأيا مرج من مروج الأزهار
وكيف الوحي بينزل عامهدك
بغفوي أو بصحوي بيتك زار
زوار العقل عا قد جهدك
وعا قد ما بتبعتوا رحلة المشوار
وخيالك ببستانك بفتح وردك
إذا برحاب ملَكوت ربو طار
بيهجم الشعر من دون وعدك
بيعمل بقلب جمجمتك مزاز
حتى يمسح الدمعه عن خدك
بيحملك عاجوانحوا عا بيت العطار
وأنا بقلوا ما فيِّ ردك
يا وحي الشعر ضلك طيار
متل يعقوب كفيف عا بُعدك
وعند ما بشم ريحة قميصك
بتفتح البصيره وبتهل الأنوار
............ ..............
بقلم الأديب والشاعر يوشع علي إسماعيل
