النحل اثر يموت من العسل ويحد
الگلب اضناه حنينه بداخله وعربد
يرنو الشوف وجهك وانت تتعمد
دوم عليه تقسي وبعد تتشدد
شابح ناظري والطرف صار ارمد
واقراء الشوف وجهك قُل هو الله أحد
ياعثگ البريم البل صدر نگد
حبك قبله صاير واني اتعبد
يرمان بصحن ياورد خد وخد
كل جوري الحدائق بالثغر ورده
ياليل الشته والشعر مثله أسود
ياخيط الصبح وبحضنك اتمدد
ياعين المهى اسود بلا مرود
عفت ناسي وهلي وعليك اتنشد
يادرس القواعد وبحروفة ابجد
اعزك اعز من روحي وبعد ازيد
من أشوفك انسى كلشي وجدمي يتحدد
ياجل مستحاتي من الثلج ابرد
ولك شليت حالي شبيك يمعود
سهم عينك رماني وللگلب سدد
ماتترك قتيلك لمن تتاكد
كل هذا وبعدني بشخصك انه احمد
وكل ناس فرحان بهواء واسعد
رغم ماجفن عيني من السهر اجحدط
Tawfeeq Haider AlMaliki
