بنت الحارة
بنت الحارة يا أحلي جارة ساكنة قلبي وشاغلة روحي
ليه بتتقل إيه العبارة كل ما أسأل فين تروحي
ليه تعيشي في برج عالي سبع طوابق وساكنة فوق
قلبي نبضه يقول تعالي نفسه يسمع كلمة ذوق
الحلو تقلان قلبه خالي ليه الجميل سايق دلاله
بسمة منه تسعد لي حالي ولا يعني ما فيش جماله
ياما جريت وراك شوارع أقول مسيره يعطف بنظرة
نبضي عالي وهو سامع بس تقلان كل مرة
آه يا شوقي لما ألمح بسمة مرسومة في شفايفه
روحي ترقص وقلبي يفرح وانت ماشي ولا أنت شايفه
هو البدر فوق السحاب عمره ما شاف نجوم معاه
لو في يوم شاف نجمي غاب مش حيسأل مين وراه
برضه قلبي معاك وشاري مهما تتقل روحي سارحة
وكل يوم وراك يا جاري لحد ما تيجي أحلي فرحة
بقلم شريف شحاته مصر
