الماي خائن لو بشرنه الي يخون
كافي بطل لاتذم نهر الفرات
الماي منبع خير يجري بكل مكان
انته حجمته وهو بيد الطغات
جربةالعباس مامتروسه ماي
غيره بيها وبينت مجرى الحياة
وصل ليهه المشرعه وماشرب ماي
اتذكر احسينه شفافه ذابلات
بيها بانت خوته الكلهه وفاء
بني هاشم مدرسه اتخرج ابات
وخاف تسمع مشرعه وبيهه رجال
الموت اخذهه والنهر وياهه مات
وخله بوجوه الاعادي نهر موت
وبعد ياماي اليشربه وبيه رفات
چان سبع الگنطره وعمره زغير
عينه الكرار بيهه اعظم ثبات
هيه هاي المنزله بأرض الطفوف
بينت للناس بيهه المعجزات
حسين واحد والكفر كلها عليه
معركه دارت رحاها وللمات
ونتصر بل معركه واكبر دليل
صار قبله تزوره كل الكائنات
ونوصف عباس راعي المشرعه
وابو الاكبر بيده كل المعطيات
المرياني
(بحرالرمل)
فاعلاتن فاعلاتن فاعلاتن
( وزن الموشح ) فاعلاتن فاعلاتن فاعلات
