تعرف إيه زعلني منك
ان يوم ما حاولت أقابلك
وقلت أصارحك وتصارحني
و قلت أقولك أد آيه قلبي حبك
و أتمنيت أسمعها منك
لأجل حاسس شكلي شكلك
حتي احلامي و مشاكلك
قلت أقرب لحظه منك
يمكن ألقي بختي جنبك
يمكن أفهم حاجه منك
و آيه اللي فيك
واللي باين من عنيك
و قلت اقولك بس مالك
و آيه اللي غير بس حالك
لاجل ما أقدر تاني اساعدك
كان منايا اني أواعدك
لما توفي الدين بوعدك
كان منايا تصون لي عهدك
وإنت بتوفي في دينك
وانت ب تطيب جروحك
تعرف ايه زعلني منك
رغم أني كنت أحبك
وكنت أقرب حد منك
سبتني ومشيت لوحدك
وإنت فاكر إني بعتك
آو هربت حتي منك
و أني شلت إيديا عنك
بس ده كان غصب عني
و ضعف منك
بس عادي فهمت منك
بعد ما فاتت سنين
إن ده كان غصب عنك
م اللي فاكرهم ف صفك
و اللي من لحمك و دمك
واللي زادو الهم عندك
هم دول اللي باعوك
واللي قدروا يخدعوك
و اللي قدروا يبعدوك
واللي دسوا السم ليك
ف العسل بعدين سابوك
هم همه اللي خانوك
واللي قدروا يفهموك
عكس كل الناس حقيقتك
والحقيقه اللي ف طيبتك
هم دول اللي استباحوا
كل شيء حلو ف حياتك
تعرف إيه زعلني منك
انك إنت وثقت فيهم
و أنك إنت سمعت ليهم
رغم إني حاولت اقول لك
انهم بيغيروا منك
و أنهم كارهين نجاحك
و أنهم رافضين كفاحك
تعرف إيه زعلني منك
صدمتك حتى في صحابك
آو ف أهلك آو ف ناسك
اللي كانوا حته منك
واللي عشت سنين معاهم
تجني وتوزع في رزقك
تجري و تفرق في عمرك
و الحقيقه كان لجهلك
إنهم مش بس أهلك
إنما كانوا بردوا ضدك
هو ده اللي زعلني منك
إن عشت كتير ف وهمك
قبل ما ترجع لعقلك
كلمات الاديب الشاعر.د/السيد علي القن
