((( إحتفالية عيد جوازي )))
والضهريه
يلا يا أم العيال
بالهداوه بلاش إستعجال
شوف الشنطه
وشيل الفلوس
لا تضيع تبقي ف ورطه
يلا يا أم محمود
الوقت بيعدي ويفوت
فيه مطعم
إتقالت فيه مواويل
هناك فاتح ع النيل
***************
دخلنا ركن العايلات
ومزيكا عاليه السماعات
جات برنسيسه
بالورقه والقلم
أبص فيها
وأبص في أم العيال
وقلبي يتحسر ألم
طلباتك يا بيه
عندكم فيه إيه
الضاني كباب
ولحمه بفتيك
وحمام بالفريك
وكبد وقوانص الديك
من كل حاجه طلبين
ومن الشبسي طبقين
والساقع سفن آب
وللمزيكا هدي الدق
***************
وشويه البرنسيسه
الحساب يا بيه
حطيت رجل علي رجل
الحساب كام يا سنيوره
بصلتي من فوق لتحت
٥٤٠ جنيه
لقيتني واقف مفزوع
وكأني وقعت ف بحت
وبطني تصوصو من الجوع
تحويشة أربع سنين
٢٥٤ جنيه
يعملوا إيه
أم العيال كام ؟
٢٥٤ جنيه
كلت الكباب
آدي الدبله
وأدفع الحساب
ومتنساش البقشيش
وأنا على بيت أبوي
ووراي متجيش
ووراي متجيش
***************
الشاعر محمد علي فرغلى احمد
نزلة باقور مركز أبوتيج محافظة أسيوط جمهورية مصر العربية
