أمى يا أجمل شىء فى الكون
أمى يا أطيب قلب حنون
فى القرآن ربنا وصانى
وأمرنى ببر الوالدين
ربنا عالم إنى ممكن أكون مفتون
مفتون بالزوجة والأولاد
مفتون بالدنيا والشهوات
فممكن أعصى وممكن أعق
وعشان ربنا بيحب الإنسان
لأنه نفخة من الرحمن
وصانى إنى ما أعق أبدا
من حملتنى تسعة أشهر
من ربتنى وسهرت ليلها
لما بكون يوم تعبان
من كانت تفهمنى
من غير ما اتكلم
من كانت تحفظ إشاراتى
تحفظ حركاتى
تحفظ كلماتى
تحفظ حتى سكناتى
من كانت تفرح لما تشوفنى
وأنا بلعب وأنا بمشى
وأنا بتكلم وأنا فرحان
وأنا قدام عنيها بكبر
ومهما كبرت
شيفانى لسه صغير
بتخاف على لو أتأخر
مع أصحابى شويه
ولما أرجع
ألاقيها مستنيانى
على الباب بشوق وبلهفة
تسألنى أنت كويس
ليه تتأخر
مش عارف إنى عليك بقلق
تحضنى
وتحسس على جسمى
لحسن أكون متعور
وعليها مخبى
ولما بكون نايم
تدخل وتغطينى
عشان مبردش
يااااه يا أمى
مهما أكتب أو أتكلم
عمرى كله ما أوفى فضل الأم
ومهما كبرت
مشتاق لك يا أمى
أنا عايش على دعواتك
هى الكنز الباقى منك
وف صلواتى أنا بدعيلك
بالرحمة والغفران
وفى الفردوس الأعلى
مع نبينا العدنان
يكون لقانا إن شاء الله
بقلمى/ د. محمد شهاب
