أفرح زى البنات
أشوفك جنبي
بتلبسيني الطرحه
واخد رأيك في الفستان
بشوفك كأنك معايا
بضميني بكل حنان
أيوة بحس بالضمة
ما أنا عرفاها من زمان
بشوفك حواليا
على كل الجدران
عمرك ما غبتي عني
روحك ساكنه في كل مكان
حتى في يوم فرحي
حسيت بلمسة إيدك
بتشيل دموعي
حسستيني بالأمان
كنت كل دنيتي
معاكي بنسي الأحزان
بتلفت عليكي وأنادي
كأنك سمعاني
ياريت حلمي يكون حقيقة
ويكسر جوايا الأوهام
عايشة على ذكراكي
سامحيني لو كنت
في يوم زعلتي مني
يا قلب زي الملايكة
مبيعرفش يزعل من إنسان
في عيدك هديلك ورده
على روحك الطيبه
وكمان دعوة
يارب تكوني في أعالي الجنان
مهما قولت مش هوفي حقك
لكن كل اللي جوايا قولتة
في أبسط العبارات
صدق رسولنا لما قال
الجنه تحت اقدام الامهات
بقلمي زينب الرفاعي
