✍️2025/6/2بقلم أبوالملايين ✍️
إجبـــُـر بخاطر مــن يعـزک ويغليك
وهده شعور الجبر من طيب خاطر
وعطـه الغلا من يسـتحقه ويعطيك
لين الغـلا يضهــر بفيــض الـمشاعـر
واوفي بوعدگ لمن عطاوعد يوفيك
لاتوعـد الا ونتــه على الـوعـد قـادر
ومـن عطيــته بالوفا عــهـد يرضيك
اوفي معه بلـعـهــد غايـــب وحـاظر
الصادق الــي بلـمشـاعـــر يراعيــك
راعـي الــوفـاء والــود حـتى للکافر
أحفظ شروط الحـب لأنسان مغليك
اللـي يحــبــــك صـــدق تـلقـاه نـادر
عنـد شــدائــد تـنحـزم بــه ويحميك
لاجـــار وقـتــك أول الـنـاس حـاظر
يـوم الـمصايـب فـوق راسـك يلبيك
مـاغـاب عـنـك فــي شـدائــد مناصر
لاتخـذل الــوافي وهـو له امـل فيك
اللـي لاجـــــلك داس كـل الـمخـاطر
صـون الـوفاء والـود للــي مصافيك
ولا تشتـري الانـذال لـو كنت شـاطر
ابعـد عن المشـبـوه وحضر يماشيك
الـنــذل يبقى نــــذل مـــهــمـا يكـابر
ومـهـما كـرمت الــنـذل لازم يغـثيك
مـعـروف طبـــع الـنـذل للطيب ناكر
احـضر تتوه الدرب تكثر خطاويك
شوف المواقـف فاصله وانـت خـابر
درو صديقك في الزمن من يخاويك
في هـــذا الـزمن الناس سـارو مناظر
فـي ألف واحد بالوفاء مـن يوافيك
أفديه بروحك ذا جارت إليه المقادير
اجـبـر بــخـاطـر مـن يـعــزك ويغليك
اهــده شعور الجبر مــن طـيب خاطر
مع تحياتي واحترامي وتقديري لكم يلغالين
🌹 أبوألملايين الشويلي 🌹
