# انتي فين
يا قلبي العليل
شغلتي بالي
والليل طويل
كنتي فين
يا إحساسي الجميل
* جاي بتسأل بعد إيه
شوقنا داب دوبته ليه
كان ما بينا أحلام كتير
كنا نحلم ونقول دا خير
كنت شايلاك جوا عيني
كنت سهري كنت ليلي
كنت فرحي كنت خيري
# طب وايه
فرق ما بينا
نسيتي ليه
أحلام وجنه
سيبتي ليه
قلبي لظنونه
فوتي ليه
نبضي وكونه
دق جنبك
حب قلبك
كنتي ليه
فرحه وشجونه
* شوف عوازلك عملو إيه
شوف كلامهم قالو فيه
إن قلبك بير عميق
جوا منه ميه طريق
كنت واحده من حبايبك
أي واحده شاغله قلبك
كنت عايشه وهم خادع
عشقت قلب جوين وبايع
كسرت قلبي قسيت عليه
قتلت حبك وانت فيه
# حرام كلامك
كله قسوه
ظلمتي قلبي
عملتي جفوه
كمان عوازلي
لعبو بيكي
قاسيين وكادهم
حبي ليكي
حبيبتي انتي
حب صادق
طريق ف قلبي
مالوهش رجعه
جوا قلبك
قلبي عالق
وحبي ليكي
مالوش مراجعه
* سامحني روحي وكون حنين
من كتر حبي بغير وبين
ويالا ننسي ذكري فاتت
جرحت قلوبنا ويالا ماتت
يالا نبدأ من جديد
هاتلي غنوه ولبس عيد
# احلى غنوه
اغنيهالك
كلمه حلوه
تحكي حالك
نسمه هايمه
طارحه شالك
ورده ناديه
لون جمالك
#* نحمد ونشكر ربنا
شوفو غيرو مننا
واذاي حفظنا حبنا
ردو بابكم عالعزول
دول غيرتهم شيء مهول
صلو وادعو ربنا
* انتهت من فضل الله تعالى قصيدتي ( انتي فين ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
