أيامنا قسيت علينا
همومها شلت ايدينا
من القسوه بكيت عنينا
قوليلنا ليه كلمينا
وعملنا إيه حسي بينا
من يومنا سارحه وحزينه
سفينه مش لاقيه مينا
علطول وراميه الحمول
دايسانا ما نقدر نقول
كفايه صبرك علينا
بالراحه نشفت ايدينا
عينينا طافيه البريق
قلوبنا صابها الذبول
النبض عايز رفيق
خلاص كفايه تجني
حرام دا ظلمك قتلني
غلبان وسارح بغني
أشعاري توصل تنول
إحساس يفسر معاني
من ظلمه دايما بعاني
يهواني يحصل قبول
أيامنا ترجع سعيده
نزور مواني بعيده
شطانها حلوه وفريده
ونعود نعشش ف دارنا
المولي حارس وصنا
من فضله عنا وجبرنا
ونقول دي كانت أمور
مش دايمه قلبت سرور
* انتهت من فضل الله تعالى قصيدتي ( قلبت سرور ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
