إن كان على حبي فمفتونك
وإن كان على قلبي وهبتولك
لو تطلب روحي فمن قولك
اطلبها تروحلك وتزورك
صدقني انا عاشقك وبريدك
وغرامي متحني في إيدك
ولعلي في الحب شموع
تهديني مش حمل دموع
نورلي من ضي عينيك
ما عيوني بتنور بيك
قربني من قلبك اكتر
مش عايز لو ثانيه افكر
إن إنت مش حاسس بيا
وانا قلبي مش حمل قسيه
إيه رأيك لو نبدا قصه
أفكارها في الحب تقول
مشاعرنا جياشه وحاسه
باشواقنا وتتمني قبول
وياريتنا يا حبيبي ننول
إحساسك يملانا سرور
نعيش افراحنا وغناوينا
ونقول للدنيا تهنينا
ولا مره راح تبكي عنينا
وقلوبنا انسجمت وادينا
مع بعض حنفضل علطول
ولا مره يفوت بينا عزول
وغرامنا حيفضل متصان
في قلوبنا بيعطينا أمان
من شوقنا بيسقينا حنان
يغمرنا ينور خطاوينا
ويحني من الفرحه ايدينا
شوف قصدي وبقولك ايه
مفتونك وبحبك ليه
* انتهت من فضل الله تعالى قصيدتي ( مفتونك ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
