سمعني همسك غنايا
بيقولي حبك هوايا
ونبض قلبي ومنايا
كتير بحبك وغالي
من يومها شاغل خيالي
ريحني جاوب سؤالي
وقولهالي ذود هنايا
أسمعها يسعد فؤادي
وعيوني تظهر ودادي
الدنيا تفرح معايا
أشواقي تسرح ف كونك
جميل مسبل جفونك
دلالك راخي وعيونك
دول هما أصل الحكايا
تعالي ننسي اللي فاتنا
اليوم دا أول ذكرياتنا
نعيش ونتهني بيه
ونروح لبكره نلاقيه
مستني يكتب روايه
حكايتنا فيها البطولة
بدايتها همس الاحبه
راسمينها للقلب صوره
واغاني توصف غرامنا
افراحك دايما معايا
نروح لبيتنا بفرحنا
ونقيد شموعنا ف براحنا
أشواقنا تفرح معانا
أحلامنا توصف رضانا
* انتهت من فضل الله تعالى قصيدتي ( سمعني همسك ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
