هاد الزمان عايش فيه غير الكذاب
واللي يقول الحق عايش فالعذاب
الصقور طاحت قيمتها داها الغراب
السبع ولا جريح في وسط لكلاب
سولت على الحق لا حد عليه جاوب
واش نقول راه قلب بنادم طاب
الرخيس ولا يساوي سومة الذهب
أمرك عجيب يا زمان وفات كل لعجاب
يا اللي تسولني لا تتعجب ما عندي جواب
الخير مشى والشر ولا ليه نصاب
الزين غاب والخيبة كترت فالتراب
الولف ولا غدار والقلب مصاب
الأحلام ولاو حكايات بلا كتاب
الناس تبدلات والوفا ما بقى ينجاب
كلشي كيبيعك والنية ولات غياب
يا الزمان علاش ظلمت الغلابا بسباب
فين الرجال اللي كانو سند وقت الصعاب
فين الكلام اللي فيه الصدق بلا لعاب
القلوب قسات ولا فيها غير عتاب
حتى الدمعة نشفات من كتر الغياب
باقي غير الصبر اللي شاد فيا الحراب
واش بقى فيك أمان ولا هذا سراب
واش لي فات يرجع ولا مضى بحساب
أنا اللي كنت نحلم وليت خاوي جياب
يا زمان نتيق فيك ولا نكمل عذاب
العشرة ولاو بخساير وحساب الربح
والخاين لبس قناع وفكر يربح
الغالي مشى وبقى في القلب الجرح
والنية الصافية ماتت وسط الزحام الصرح
اللي كانوا سند ولاو حمل وقهر ومزاح
والضحكة طاحت والقلب ولا فيه نباح
فين هو الوفا ولا مات مع الرياح
فين هو السند؟ ولا خلاه الزمان لاح
بقلم الزجال حسن السريفي
