ممكن تقبلينا ضيوف
ضيوف يا دنيا على أرضك
وكرم الضيف دا شئ معروف
ليه يا دنيا حسينك
لاعارفة خير ولامعروف
وكل شوية يا دنيا
قلق منا ورعب وخوف
كنا يا دنيا جاينيك
وناويين ليكي ع المعروف
لو يا دنيا شيفانا
عدوينك هاتيلنا سيوف
نحاربك بيها يا دنيا
نحاربك بيها من غير خوف
ولو يا دنيا عاوزانا
نسيبك إنت بالمعروف
خلاص يا دنيا هنسيبك
ومش هنقول خلاص هنشوف
مسيرنا يا دنيا هنسيبك
ولو عمرنا فيكي الوف
أحمد فرج علي القصاص
