كلمات شاعر بني هاشم
الشاعر صبرى عبد الواحد الحسانى
هى جات عليكى
هى جات عليكى
ما القلب مليان جراح
خليها بالمرة
ما الكلاب ما مبطلاش نباح
الحظ والدنيا والظروف
حاجبين نور الصباح
نسينا طعم السعادة
ومخصمانا الافراح
هى جات عليكى
مسيرنا فى يوم نرتاح
الحظ جاى مقلوب
ولعندينا يقول هرتاح
والظروف ما مساعداش
وبتزيد جراحنا جراح
والدنيا واخدانا يمين وشمال
وما فيش راحة ولا سماح
هى جات عليكى
ماهى الكلاب ما مبطلاش نباح
لكن املنا فى الله
تدخل حياتنا الافراح
وبقدرته وهو قادر
الغمة دى تنزاح
والحال يتبدك بحال
والفشل يصبح نجاح
املنا فى الله يكرمنا
وليلنا يجيله صباح
