وانطيك كلشي تريده
تمثال احطلك بالدرب
مسجون كاسر گيده
ورسملك بمسرح ضحك
مسكين لا وي جيده
ينتظر وين البي رحم
ينطيه مـــــن مابيده
وشتريد اسويك قصر
وهدوم كلها جديده
من جابنه لهذا الوطن
ويــــــگود بينه بأيده
چن طير وانهد من قفص
والكل تــــــريد تصيده
وهاك اخذ من عندي شعر
وفهم شني القصيده
تعبان من كثر الحچي
لتگلي عشت وعيده
أنطيك نبذه ومختصر
وانـــطيه شي ايفيده
غيمه وجزت لو ماجزت
اسمع دوي ارعيده
التين والزيتون من ربك قسم
حذر غضب وعيده
قرأن ربك نزله
موسالفه بجريده
والسيف يرجع للاصل
واصل السيوف حديده
والمنجل بهذا الوكت
يوميه اله تغريده
صدك بروحه ومادره
الناس بيهه سويد
ماعده راي ولافكر
والشغله حيل مچيده
تركض وره العنده ذهب
ورخصن دموع غنيده
حــــــــــ النواظرلــــــــم
