كلمات شاعر بني هاشم
الشاعر صبرى عبد الواحد الحسانى
الولد ابويا والبنت امى
قالوا بتحب مين اكتر
الولد ولا البنت
وايه فى حياتك عملته
ورجعت عليه ندمت
ومين الأقرب لقلبك
حتى لو بعدت وسافرت
قلت بحب الولد
على اسم الرسول سميته وفرحت
صاحبى وابنى واخويا
وسندى لو يوم وقعت
والثانى على اسم ابويا سميته
وحبه فى قلبى رسمت
والثالث ابنى رجال
او احمد قول لو شئت
بحب بنتى اول بختى
اول من منها كلمة بابا سمعت
على اسم امى سميتها
وغلاوتها فيها عرفت
هى امى بعد امى
ومن أيدها الشهد شربت
بحب بنتى الصغيرة
بتراعينى لو تعبت
بحب البنت والولد
بحب الولد والبنت
أما الندم مش فى بالى
وعمرى ما على شىء ندمت
اللى عملته ولو غلط
الباب عليه قفلت وبعدت
بأخد من الماضى عبرة
وما اغلطش غلط غلطت
والدنيا ماشيه والحمدلله
سواء جلست أو وقفت
