سنين فى الغربة كانوا معايا
صورتك والحنين
وإنتي بتدعي..يارب يا إبني
تعيش سنين وسنين
تعيش متهني
ومين غيرك ياما أشكيلوا همي
مين يطبطب.. مين يسمي
مين يمسح دمعة
نزلت فى لحظة أنين
فى لحظة وجع
عمري ما أنسى لما قولتيلي
أنت الولد الجدع
أنت إمتدادي
أنت العمر الي عدى
أنت سنيني الي جايا
تعبت يا مايا
ومهما أحكيلك عن الغربة وهمي الي بيزيد
فاكرة ياما..
لما كنت أجري عليكي أترمي فى حضنك
يزول همي ويبعد بعيد
ما إحنا ياما .. كان بنا حبل الوريد
إنقطع يوم الولادة
اتوصل حب وسعادة
فاكرة ياما.. فوق دراعك أنا ياما نمت
جوه عنيكي ياما حلمت
دعوة منك.. كنت بمشي فوق الشوك
وكاني ماشي فوق سجادة
الجنة تحت رجليكي
ومن عنيكي بلمح رضا
نور ينور سمايا
فاكرة يامايا ... الضحكة والغنوايا
وعمر بنا موصول
بدايته كان محبة
كنتي بتخافي عليا من نسمة بتستخبى
تدعي يا رب العمر يطول
أشوفك ترسم خطايا
دأنت زهرة شبابي
أنت عمري ومنايا
تعبت يامايا......
بقلمي/ يحيى المنياوي
.............................
