بقلم ( أيمن نصر )
*****************
إتنين مفيش زينا
تفرح تشوفنا العين.
الحب من قلبنا
يظهر قوام ف العين.
نحفظ عُهود حبنا
ولو شهور و سنين.
مفيش عَزول وسطنا
ولا يفَرق ما بينا بِين.
إتنين مفيش زينا
تفرح تشوفنا العين.
الفرح من فرحنا
بيصدروه على فين؟!
والسعد شاف حلمنا
رقص شهور وسنين.
إخلاصنا ده عرفنا
كلمة خيانة شين.
إتنين مفيش زينا
تفرح تشوفنا العين.
نحلم نشوف حبنا
يمشي هنا برجلين.
أرض المحبة هنا؟!
ولا خدوها فين ؟!
نصبر كمان سنة
ونصبر كمان عمرين.
إتنين مفيش زينا
تفرح تشوفنا العين
إمتى يزورنا الهنا ؟!
يجمع ما بين قلبين.
الطير يغني غنا
لما يلاقينا إتنين.
يدعي يشوف حبنا
بيقلدوه العاشقين.
إتنين مفيش زينا
تفرح تشوفنا العين.
كان الوفا عرفنا
قبل اللقاء بسنين.
والحب من نبعنا
فاضت بحوره فين ؟!
روحك وروحي انا
اتوحدوا في جسمين.
إتنين مفيش زينا
تفرح تشوفنا العين.
قالوا محال حبنا
يعيش شهور وسنين.
مفيش مال ولا غنى
وإزاي نكون حبيبين.
رديت وقلت أنا
كل الغنى ف قلبين.
إخلاصهم هو الهنا
وبالوفا عمرانين.
هيعيش أكيد حبنا
ولا يعرف طريقه بين.
هيعيش مليون سنة
و ما تفرق ما بينا عين.
إتنين مفيش زينا
تفرح تشوفنا العين.
بقلم ( أيمن نصر )
دمتم في رعاية الله.
