كفى على كفك
يرميلك قلبى
ألف سلام
وبكيف كيفى أحبك
ولمين غيرك
اكتب له
أحلى كلام
أنا فى الغرام شارده
أنا فى الغرام ورده
تشمها يفضل فى إيدك
عطرها لو ألف عام
أما أنا لو يوم منك عطشت
أحفر بيار الحنين
أسمع أنين غربتى
تكوى الضلوع بالسنين
أشبع أنا بنظره واحده
من عينيك
او بلمسه حنينه من إيديك
أشرب من ندى الصبح
ينبت جوه قلبى
ألف صوت ينادى إسمك
بأعلى صوت
أكتب قصايد الشعر
تبتهج أول ماأقول حرفك
أسقى الحروف شهد
يشرب قلبى
من بعد الشوق عسلك
سبحان من صورك
أحترت أنا فى وصفك
أرمى بذور الشوق
وأنا أرضى عطشانه
تبكى العيون تروى
تطرح قلوب من قلبى
تعشقك لألف عام
لابإيدى أنا أنسى
ولابإيدك أنت تخلى القلوب
على أرضها ترسى
غير إنى افضل
اعشقك ولك من قلبى
الف الف سلام.
بقلمى :
ذكريات العمر
عبير محمد
30/10/2020
