صدك يرجع الزمن
------- د.صالح العطوان الحيالي. العراق
صدك يرجع الزمن ويلتقي الطيبين
وترجع المودة والحنية ونكعد سوية سهرانين
أرجع يازمن لصلة الرحم والمودة محتاجين
ارجع ياريتك تحس بالحال وتعود
ترة من رحت كلشي انقفل بوجه المحبين
أنقفل باب الحنان الجان مفتوح
ومن ذاك اليوم الرحت لليوم مسدود
ضاع الامان و ضاع الوفه والدنيا مو على عهدك
ترة كلشي حلو راح وما موجود
وصار الود والعشق والحب
مجرد كلمه تنگال
وكلها لعب بالمشاعر وغدر بالمحبين
وصار الدمع سهل ينزل عالخدود
وعلاقة هالوكت صارت مصالح
وقل حتى السلام وصار محدود
ياريحة ديارنا وريحة اشجارنا الج حنيت
وما كو عطر يشبهج بكل هاي الورود
عودي ياليالي الخير والطيب
تعبنه بغيبتج والحيل مهدود
