ردد ... أنا إنسان
******
البال مشغول وموش رايق
آه الكل ع الدنيا متضايق
للآخرته عمره موش فايق
الشيطان هزمه وله سايق
النفس له أمارة بالسوء
العمر بيعدى ويفوت
البشر ناسي أنه هيموت
الدنيا بتوعده بالخلود
بتقوله دا أنت لسة مولود
أصحى وفوق يا كتكوت
الدنيا مالهاش وعود
بتوفى بس مع الله العهود
عمرك إللى عدى مش هيعود
موتك مقدر ومكتوب
أسمك م الدنيا مشطوب
عمرك ماكنت للدنيا محبوب
الرضا بالقدر مطلوب
عمرك مقدر ومحسوب
يالا حالا لربك توب
ربك غفار الذنوب
دا مهما عمرك طال
مهما جمعت من مال
بقا عندك عزوة وعيال
التراب عليك هيتهال
هتقف أمام لله للسؤال
أحنا متخلقناش للكمال
تحلى بصالح الأعمال
تنال شفاعة العدنان
تنعم برضا الرحمن
عمر صدرك بالإيمان
الدنيا مالهاش أمان
كفاياك بقا نسيان
ردد أنا إنسان أنا إنسان
دائى هو اللسان
عدوى النفس والشيطان
الدنيا أبنلاء وأختبار
أصلها دار بوار
دى زلزال وطوفان
تبيعك فى أى آوان
الموت مالوش أنذار وأذان
بلاش تنقلب لربك خسران
أسعى يبقا لك بالجنة مكان
يالا خد مع نفسك قرار
كفاية لهو وهزار
بأيداك أنت الأختيار
يا جنة.. يا نار
عشان تبفا بالدنيا حكيم
أفتكر تملى يوم الدين
اعرف أن ربك بيك رحيم
م الميلاد للدفن بالتراب
بلاش تعيش الدنيا حلاوة روح
الحياه حلم بين فرح وجروح
بالموت كل ده بيروح
*****
بقلم
عادل جاد
