بعد عشرة السنين
جايه تقولي لازم نفترق
كنا زي أي اتنين عاشقين
ودالوقت ف مفترق طرق
تاخدني التوهة واتشد ف جمالك
اسرح برهة مخدوع ف كلامك
دانا كنت ضيك وحبيبك وخيك
وكل الدنيا ديه وفارس أحلامك
وعمر ما كان الحب قسيمه ورق
شوفنا أيام زي موج البحر المالح
وشوفنا أيام حب وعشق طارح
يا حبيبتي اللي ينسى امبارح
ازاي مع روحه يصدق
السكه دي مشينا فيها
والعمر قسمناه نصين
أول ما تيجي سيرتك يا نن عيني
قلبي من عبي نط وبرق
