انا نجيكم من لاخر
لقيت راسي كنهتر
ما عرفتش نتكلم ونهضر
واش ديت وجبت في لعمر
ماعرفت الثلات من لاربعا
نهار لخميس حسبتو جمعه
فقت نقرا الكهف مع الزابعه
واش صليت ركعتين ولا ركعة
كثار نعاسي كل ساعة
ياك ما كبة للى قربات تسالا
هادشي فات التكليخ بزاف وشلا
واش واقع ليكم هادشي ولا لا
انا وقيلا بالستارتير واقفة
يا دنيانا شحال غرارة وزايفة
يا الله كملت من الوظيفة والعذاب
بديت نتقلق من المستقبل خايفه
صحيح الزمن غلاب وهاذي باينة
ملي تكون الصحة والقوة كاينة
نوجدو الفلوس والراحة ما كاينة
بعد التقاعد ها الرفاهية والفلوس
نلقاو الصحة مشات وتضيق النفوس
وتقل الحركة يكثار الجلوس
معادلة صعبة تخلي الانسان منحوس
الطف بنا يا ذو الجلال والاكرام
ارحمنا وارزقنا حسن الختام
يا كريم يا رحيم ويا سلام
المملكة المغربية تدوين 311223
الدكتورة فاطمة الزهراء الرئيس
