انه الچنت اودچ گلت موش انه
غلطه وصارت من اسنين يفلانه
،،،،،،،،،،،،،،،،،،،،،،
انه الچنت اودها وخفت ياهل ناس
من گلبي گرصني وصار عندي احساس
شفت حچي اليوسوس شامت وخناس
وطحت ياوسفه بين الحانه والمانه
انه الچنت اودچ گلت موش انه
،،،،،،،،،،،،،،،،،،،
انه الچان صوتي عالي ومسموع واكتب بل جناس ابوحدت الموضوع
دخت وندار راسي والدليل ايلوع
وردت وياي تحظر ناس عوانه
انه الچنت اودچ گلت موش انه
،،،،،،،،،،،،،،،،،،،،،،،،،
خايف من محبتي يصير بيها اعيوب
يتفرهد شعرنه البل غزل مكتوب
يجيني الماعشك ويگلي بسك توب
اتوب امنين هيه شطب ريحانه
انه الچنت اودچ گلت موش انه
،،،،،،،،،،،،،،،،،،،،،،،،
وضحت قصتي معذور انه ابهاي
لا ضاحك عليچ ولا امتيه الراي
السبب اهلچ او اهلي بحرب دوم وياي
ولا عاشگ مثلنه اتعاون ويانه
انه الچنت اودچ گلت موش انه
،،،،،،،،،،،،،،،،،،،،،،
شسولف قصتي ومحد عرف بلواي
ولا قاضي العشك يتقبل الشكواي
ولا يوجد محامي اليحظر ابدعواي
والحسبات عگرب عايشه ويانه
انه الچنت اودچ گلت موش انه
،،،،،،،،،،،،،،،،،،،،،،،،،
سلام المرياني
