-- قلم السيد بدر
كل الحاجات الحلوه
من أماني وامنيات بينا وبينها حد و سور
حاسين ليالينا عتمه وبنزرع فى الأرض البور
لا.خير بنشوفه منها وعتمه وفارشه ليلها
كل العشم بكره
وعشمنا يجى بكره يأمر بهد السور
...........
العدل سمعنا عنه بعنينا ماشفناهوش
والظلم عدد الرز من كترة ماتعدوش
كله فى كله طايح وحق مابينا رايح
عشمنا فيك يابكره
وبنحلم بيك يابكرة ماتجيش على المدبوح
.............
ناس محتاجه فكه متهانه عشان رغيف
وناس عا المال تكوش وتغش فى الرغيف
زحمه وهوجه دنيتنا
وصوت الحق مش واصل
والظلم فارد قلوعه وماشي الرحله بيواصل
بنحلم بيك يابكره وعشمنا يجي بكره
ينصف المظلوم ويحاسب الظالم ....
..............
