يا اكرم من سئل بسألك
مسألش غيرك يوم
وان كترت عليا ذنوبي
تديني فرصه اتوب
نفسي اجيلك ابيض
وصحيفتي مفيهاش خدوش
وعملي بينفعني
لحظة طلوع الروح
يارب بدعيلك
ورجائي اتملي بالخوف
لما بسمع كلامك
وتزلزلني الحروف
وأشوف مصير اللي راحوا
وقوم عاد وثمود
وآخرة اللي اتكبر
لما خسفت قارون
يارب لو بعملنا
عمر النجا مايكون
ومن غير رحمتك جنتك
بابها ملهش دخول
خلينا في القبر نقدر
ولسانا ينسي الخوف
ونشهد بأنك آلهنا
ومحمد نبي ورسول
يارب بدعيلك
الشاعر محمد صبري الميهي
