قال بيتحدونا قال
شفتو أغرب من دا حال
ترنب عايش في الخيال
كرنب طارح في الجبال
كلام مهردم شيء محال
قال بيتحدونا قال
بص واهدي في الكلام
مصر من عمر الزمان
مناره سابقه في العلام
حضارة فارقه في التاريخ
فن وعماره طب وشطاره
وموسيقى هاديه مش صريخ
قال بيتحدونا قال
جزورنا ضاربة في الصخور
جنودنا لابده في الثغور
أحمس ورمسيس ومينا
احفادهم نقطة من بحور
شعوبنا طاقة خير ونور
قال بيتحدونا قال
مصر التجلي في المكان
انصفنا يوسف في الكلام
زارنا موسي ومر عيسي
والست زينب في المقام
الكل جونا شرفونا بالسلام
قال بيتحدونا قال
مش مذايده ولا قيل وقال
ولا مجرد كلمه والسلام
مصر قلعه للأمان
معني واضح في القرآن
واحه خضره للمحبه
لوحه نادره للوءام
مبادئ راسخة من زمان
معالم واضحة للعيان
نور يدفعنا للأمام
فهمتو إيه معني الكلام
قال ويتحدونا قال
جيوش وصارت يوم حطام
لما اتغابو في الكلام
جيشنا سمي وعبر وصام
فطر عليهم في الجبال
عرفو إنه شئ محال
حد ينجو من جنودنا
حد يعبر يوم حدودنا
يبقي ذكري وقيل وقال
قال بيتحدونا قال
لف وارجع عالمقال
أعتبره هفوه وترهات
وامحي قولك من سكات
نام واتغطي الوقت فات
شعب مصر على الحدود
واقف هناك قبل الجنود
اسوار شامخة للصمود
اصوات بتهتف لن نعود
كلام معناه طلق البارود
رئيسنا صرح يوم وقال
الظلم مش أخلاق رجال
يا رب تفهم وتكون حصيف
وتنام كويس وتنام خفيف
قال بيتحدونا قال
* انتهت من فضل الله تعالى قصيدتي ( بيتحدونا قال ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
