بقلم ( أيمن نصر )
*******************
على بلدي راجع
وهانسى المواجع
هامسح دموعي
و هأقيد شموعي
و أهمش ف جوعي
هارمم في داري
وهادفن مراري
وهأعيش وأعمر
وعمري ما افكر
أسيبها وأهجر
مقبرتي فيها
لأني شاريها
دة وجودي فيها
كل الحقيقة
إن بلادي
هيه الحبيبة
و شهيدي فايز
من غير جوايز
وترابنا يشهد
حوى العزايز
دفن وقدر
مسك و عنبر
جثامين بواسل
والدمع نازل
يسلم عليهم
الدمع يطلع
يمدحلي فيهم.
مش هايأس إني
خذلوني إخوة
ما فيهومش نخوة
مش هانتظرهم
ياخدولي تاري
يبنولي داري
في أرضي هاحرر
وأزرع وأخضر
و اغرس ف علمي
فوق سطح داري
واللي يعاديني
يظهر يجيني
من دمه هأشرب
مالهش مهرب
وتاري هاخده
من كل غاصب
وهافضل أحارب
وأحرر ترابها
لحد أما تبقى
بلادي حرة.
بقلم ( أيمن نصر )
دمتم في رعاية الله.
